اليوم ان شاء الله راح اتكلم عن اختبار القبول لقسم التصميم الداخلي بكلية التصاميم والفنون - جامعة الملك عبد العزيز .. وليش يوجد اختبار قبول وكيف ممكن للشخص يجتازه ؟

ملاحظة : الكلام الي راح اقوله رأيي الشخصي وخبرة بسيطة ..

اختبار القبول سببه بوجهة نظري قريب من سبب وجود السنة التحضيرية .. كثير من الطلاب واهاليهم يعتقدوا بأن وجود السنة هذي تعتبر تعجيزية للطالب او عرقلة ..

انا عندي رأي مختلف شوية عن الموضوع برأيي اشوف وجود اختبارات القبول بمثابة مساعدة للطالب .. مثلًا بالقسم الطالب ممكن اذا دخله مايناسب مهاراته او امكانياته بكذا ممكن يضيع على الطالب ترم او اكثر من دراسته والسبب انو ماقدر يتأكد من البداية لذلك حطوا اختبار القبول لتفنيد المهارات .. لكن مع كذا ممكن تتعلموا كذا تقنية ممكن تساعدكم في اجتياز الاختبار ودا سبب التدوينة هذه !

الاختبار يعتبر قياس لمهارات الطالبة في الرسم وقدرتها على التخيل .. فتقريبًا الإختبار راح يعتمد على تقنية الرسم عندك وقدرتك على التخيل كمان ...

(راح ادعم التدوينة برابط مساعدة لكل فقرة )

* رسم لمنظور لفراغ (غرفة معينة ) طبعًا التخصص يعتمد على المناظير بشكل كبير .. 

https://www.youtube.com/watch?v=yEymIyLbiAI     باللغة الانجليزية 

https://www.youtube.com/watch?v=xqF58_ljBGs    بالمسطرة والقياسات 

* سؤال عن مهارة التظليل ( لفاكهة معينة مثلًا ) التظليل يبين اماكن الظل والنور ويخلي الرسم 3D 

https://www.youtube.com/watch?v=qsga6Doh5pE   اساسيات التظليل (بالعربي) 

* ممكن كمان يجي سؤال عن طرق التزيين لطاولة احتفالات مثلأ ... هنا اعتمدوا على خيالكم وخدوا راحتكم وحطوا ذوقكم الخاص 

تقدروا تتفرجوا على فديوهات وصور !

* ممكن كمان يطلبوا منكم تغيير ديكور مكان معين موجود ع الواقع ( اطلقوا العنان لابداعكم )

معلومة : 

زوايا النظر تنقسم لثلاثة أقسام

1- عين الطائر ( الزاوية المرتفعة للفراغ كان الشخص ينظر للأسفل  )
2- عين الأنسان ( مستوى النظر الطبيعي )
3- عين النملة ( الزاوية المنخفضة للنظر كأن الشخص ينظر للأعلى )

* جنب كل أداة راح احط صورة لمنتج جودته كويسة 

1- اقلام سوداء ( مثل ماهو واضح الفرشة تبع القلم لها احجام مختلفة يكفي تحظري اربعة احجام ) 

2- مراسيم التظليل 

معلومة مهمة : ( المراسيم تنقسم لH و B) توجد في نهاية المرسام مكتوبة 

* كل ما كان عدد الH اكبر كان نبسة الرصاص اقل ويكون لون المرسام افتح والعكس 

* كل ماكان عدد الB اكبر كانت نسبة الرصاص اكثر واللون اغمق فيعطي ظل اكبر 

3- الوان خشبية لا تقل عن 24 لون ( عشان تبدعي اكتر ) 

4- مسطرة متوسطة الحجم (تفضل تكون بلاستك )

5- مثلث مقاس 20 سم 

6- ممحاة +براية 

اخر شي حابة اقلكم انه كل شيء كاتبه لك ربنا حيكون هو الخير لك ان شاء الله اتوكلي على الله وادخلي الإختبار ونتي واثقة من نفسك وبأذن الله ربي ماراح يضيعلك تعب !

(راح احط رابط الاختبار الرسمي لعام 1438- 1439 وحساب الكلية )
http://gcoe.njb.kau.edu.sa/Pages-interior-design.aspx

حساب الكلية في تويتر :

@InteriorKau

_______________________________